Jetso Live - 虎年最MATCH生肖著數配對
近日走過各大書報攤、書局及便利店等等…大家不難發現在眼前已攞滿了大大小小虎年運程書, 而各位風水師父及術數師都會駛盡混身解數為讀者催吉避凶，希望來年大家事事順景。有見及此，Jetsotimes特意為大家攪攪新意思， 為大家呈上虎年運程crossover著數優惠，我們綜合坊間各位知名師父的分析，再配對上最適合您的著數優惠，用簡單直接手法為您虎年增強運勢，虎虎生威。風水命理內存玄機，信不信由您自己決定。著數優惠明存實在，醒目消費必有助您虎年財運提升，想知今年有咩著數最啱您? 快D拉落去睇下…
【虎】- 感情變化年
屬虎的朋友:「拍拖多年人士不結即分。」綜合各虎年生肖運程資料都建議虎年朋友可於今年新曆7至8月結婚，加上6至7月虎仔虎女適合外遊，不妨考慮一下旅行結婚。 網上旅遊大師zuji不時推出旅行套票優惠，如果有意拉埋天窗的話要開始著手準備喇! 近期優惠
如果尚係單身貴族，係3至4月可以多啲出去玩嚇，有機會識到新情人呢。講到玩，海洋公園近期優惠同迪士尼樂園近期優惠都係不錯的選擇。
屬虎人士幸運顏色係綠色，近期有Embry Form安莉芳、Midwest美華氏、Bonluxe葆露絲、Bauhaus做緊優惠，不妨揀返啲綠色唻旺一旺；另外戴馬或者狗形飾物都會化解犯太歲。
【兔】- 桃花旺、有男貴人
屬兔的朋友：「肖兔人今年對圓形敏感度高，對財運有意想不到益處。」食龜苓膏對身體健康之餘同時又是圓形，夠曬旺呀！海天堂最近仲出埋優惠券 Coupon，絕對要試嚇啦；麥當勞推出十二款生肖造型多啦A夢，多啦A夢個頭真係夠曬圓，換返個適合自已生肖隨身袋住，包您虎年一定旺啦！
大家於新曆12月至1月去旅行可能有機會搵到另一半，返內地仲可以催財添，中旅社不時都會攪啲優惠，預早幾個月好去check定喇! 如果唔想離開香港，多去公眾場合玩嚇都會有機會識到另一半，去下酒吧、Karaoke之類，加州紅最近都有不少優惠，未到12月都可以多D出去玩下，話唔定提早遇到心上人呢~!
財運方面今年兔仔們整體財運平平，有得慳就慳啲，除左黎緊農曆年要買賀禮之餘，最好就連生活必需品柴米油鹽都要慳，惠康一直推出不少優惠，絕對可以幫大家慳多啲。
屬兔人仕幸運顏色係藍色、或者戴格仔圖案飾物都會增加運氣。
【龍】- 桃花姻緣弱、偏財運不俗
桃花運對肖龍人士來說可以不理，已經拍拖的感情穩定，有機會結婚，但女性長輩可能會對屬龍的伴侶有不滿，好好處理的話就不成問題。
正財運方面一般，但偏財運不俗，利投資，可以多嘗試參加不同的抽獎，由於有不少破財星，建議參加下商場抽獎，既可消費減輕凶星影響，又可以獲得意外之財。
新曆8月時份是全年較利姻緣的月份，可多外出，旅行建議可去俄羅斯或蒙古。幸運顏色有銀、灰、白，可戴豬形飾物或有波浪形圖案的物件。
【蛇】- 吉運年、財運佳
由於屬蛇朋友今年刑太歲，雖然財運不俗但容易財來財去，是非多但有女貴人相助，事業方面儘量表現自己、或看清形勢考慮應否繼續從商或自僱。
新曆5月至6月份感情不定，建議新戀情可嘗試多以send SMS來維繫會較好，不同的電訊商提供優惠月費、以及一部適合你打短訊的手機就會變得非常重要。
對比其他生肖，肖蛇人士建議多留屋企，上網、打機或電視變成不可或缺，如果找到朋友要轉網絡供應商，一定要選香港寬頻啦，點解？自已click入去睇下咪知道囉。
今年大有可能出現女貴人(極有可能是長輩)仲會介紹您認識新朋友，單身的話就要記住裝嚇身，時刻保持最charming一面，新春添置新款 Uniqlo同Arnold Palmer都係不錯的選擇。
幸運顏色是鮮藍色，可佩戴雞形水晶。
【馬】- 破中有得
「凶星較多，吉星不少。」今年小心一下錢財上有小麻煩，好好管理一下財務吧。屬馬的今年疑心較重，多做運動可以忘卻煩惱，想學瑜珈mYoga就推出了多款優惠，更有免費試堂，試岩先玩！
由於今年桃花唔算旺，如果單身人士想搵伴侶既話襯住新曆9月去旅行或者進修，隨時遇到白馬王子/白雪公主架，建議旅行地點可以去中東、印度等地方，進修既話可以去學下車，旅行個時可選擇自駕遊定必有另一番樂趣架。
馬仔馬女們既幸運顏色係鮮色、黃色，或者佩戴雞形飾物。
【羊】- 平穩過度、主動最好
「吸引異性，人緣極皆。」如果單身人士絕對是福音，但已經蜜運中既就要注意喇，因為桃花不俗既關係，尤其已婚人士要小心陷入三角戀。
已婚人士建議新曆5月至6月可一起外遊增進感情，如果伴侶是屬龍的話就更好，因為屬羊人士去旅行的話去俄羅斯、蒙古都可以，或者選擇較熱門國家如日本、韓國等；單身朋友多參與喜宴活動(如婚禮、滿月宴會等)會遇到真命天子，尤其留意新曆8月至9月。
財運方面正財只要努力就有穩定收入，橫財方面不俗，去澳門試一試手氣無妨，但不要貪心玩得太大喔，切記穩健務實為原則。
幸運顏色是紫色，可佩戴猴形飾物。
【猴】- 沖太歲、多變動
沖太歲比犯太歲的影響較嚴重，要主動求變可減低負面影響，例如轉嚇形象，其實裝身又不用花太多錢既，每星期Bazaar都有不同品牌的開食，只要耐心D隨時執到荀野，到時轉多幾個look都無問題喇！
驛馬星動，多機會出差或旅遊，可幫助認識身朋友，或者留意身邊人可能會有發展空間，今年財運比起往年回升，新曆9月份可以選擇去台灣充電，都可能出現發展姻緣機會。
感情方面，已婚人士受到吉星影，雖然有助解決問題但同時都有解除婚約既意象，感情變化在所難免，建議聚少離多，可於新曆6至7月份報讀短期課程藉機進修。
屬猴人士幸運顏色是黑色，可擺放馬的擺設於家中或Office，香港賽馬會2月份舉行的馬運會，不彷進去行個大運，到時有得賞馬，仲可以騎馬，咁多馬出現係你身邊，旺氣指數必定提升。
【雞】- 平穩一年、偏財運佳
今年屬雞的身體健康一般，容易染病，記住要check緊啲身體，建議可做下body check！同屬龍既朋友一樣，屬雞人士多參與抽獎活動都無妨，因為有偏財運帶動易有意外之財。
事業上會出現競爭，為了補住地位，今年必定要加把勁，保持最佳狀態工作，一杯提神的Pacific Coffee 咖啡將成為你每日最佳拍檔，一於繼續搏殺。由於專注事業關係，拍拖欲會大減，單身朋友可以先係虎年打好事業基礎。
年中易破財，花錢有如流水，要好好做返金錢上既管理。屬雞既幸運顏色係紅色，亦可以戴/放啲紛紅色物件，鍾意Hello Kitty既朋友可以去Catalog買件最新推出既Hello Kitty Tee，大部份更以紅/紛紅做主色，自然日日紅運當頭。
【狗】- 理財有方、創意不絕
容易破財，但都是先破後得，年初可以先買些自已喜愛的物品以應破財(如影音、電腦、床上用品、傢俱等)，下半年就要儘量節儉。
由於吉星影響，創意與靈感會源源不絕，從事創作或藝術類型可賺取可觀收入，但同時要孤軍作戰，與人合作未必能得到好成績。受同一粒吉星影響，對感情方面較享受孤單一人。建議多聽下Concert、逛下藝術展/畫展都有助增加思考性，東亞及Manhattan信用卡提供優先訂取門票服務，快人一步唔使排隊咁辛苦啦。
一動不如一靜，減少夜間活動對屬狗人士的財運會有幫助，管理好金錢方面再投資自己去進修研習，會更能把錢留住。肖狗的幸運顏色是黑色，鍾意飲可樂既朋友可能今年要轉飲黑色可樂Coca-Cola zero，而家飲仲有機會贏MR.演唱會飛。另外都可佩戴黑曜石增強運勢。
【豬】- 文昌星利讀書、進修、陞遷、文職
有文晶星既幫助，利進修、學習投資，思路會特別清晰，而且有可靠既靈感與直覺，不過都係不宜作出大金額既投資，都係個句，要做好財富管理。
單身既今年好有機會預到個啱既對象，發展落去會好sweet，但要小心是非星影響，留意下自己講野既用字啦，送下啲名貴少少既禮物可能有幫助，POMPEI出左個情人節優惠，GUCCI、PRADA低至4折，入定貨先有著數。
豬女擅長家政、做家務，農曆新年期間德福廣場攪左個一站式年貨巿場，豬女大可以一於入定貨，等到年28大顯身手。肖豬的幸運顏色是紅或黑色，條紋狀物品亦能有助運程，水晶手錶也是一個不錯的選擇。
【鼠】- 無吉星及凶星、平穩思考
對肖鼠人士來說，是比較平穩的一年，不過大勢、環境是變動的，所以會多機會外遊、搬屋、移民、公幹。
今年偏財運一般，如果之前已經有投資，今年會是收穫的一年，可以於新曆9月至10月份去一下旅行獎勵自己，澳洲、菲律賓、馬來西亞都可。正財運方面屬鼠朋友今年搵得多使得都多，用洗錢來舒緩自己的精神壓力，大可以到新城巿廣場盡情消費再學習玩光影塗鴉，將所有壓力通通畫出黎，人自已開朗啲！
因為無桃花星的關係，單身的會專注工作，外出或可覓得異地情緣；已拍拖或結婚的朋友會因為專注其他方面而冷落另一半，搵一啲方法重拾雙方既感覺，會令關係更長久。
屬鼠的幸運顏色是米白，去東港城買支開運花放係屋企都有幫助架。
【牛】- 桃花、吉星拱照
屬牛的朋友今年事業運、財運、桃花運都不俗，新曆8月至9月不妨去一下旅行，單身朋友有機會發展異地情緣；除異地情緣外，係陌生環境都會容易結識異性，Dreyer's就攪左個情人節雪糕派對，單身牛仔牛女唔好錯過喇。
已婚人士小心對異性切忌太熱情，容易令人產生誤會而導致陷入三角戀。財運方面屬穩步上揚，理財、投資、創業都有良機，但要節制，好好管理錢財打好經濟基礎先有得發揮。
因為人際關係好，以口才賺錢的工作會更適合，而上班族大有機會升職，備受上司肯定。幸運顏色方面有墨綠色及黃色，各項運程都利好的情況下，新一年當然要買新衫獎勵嚇自己，今年牛年樣樣好，買衫當然都要好意頭，去Giordano買衫買褲，好似Giordano廣告中農民祝各位一樣，年年「褲」有！
相關著數網
: 一個全以折扣及優惠的消費"Jetso情報"的著數網站
Jetso Times Promotion 優先刊登城中消費情報、Coupon或優惠活動
